aankhon ne haal kah diya honT na phir hila sake

āñkhoñ ne haal kah diyā hoñT na phir hilā sake

dil meñ hazār zaḳhm the jo na unheñ dikhā sake

ghar meñ jo ik charāġh thā tum ne use bujhā diyā

koī kabhī charāġh ham ghar meñ na phir jalā sake

shikva nahīñ hai arz hai mumkin agar ho aap se

diije mujh ko ġham zarūr dil jo mirā uThā sake

vaqt qarīb aa gayā haal ajiib ho gayā

aise meñ terā naam ham phir bhī na lab pe lā sake

us ne bhulā ke aap ko nazroñ se bhī girā diyā

'nāsir'-e-ḳhasta-hāl phir kyuuñ na use bhulā sake

aankhon ne haal kah diya honT na phir hila sake

dil mein hazar zaKHm the jo na unhen dikha sake

ghar mein jo ek charagh tha tum ne use bujha diya

koi kabhi charagh hum ghar mein na phir jala sake

shikwa nahin hai arz hai mumkin agar ho aap se

dije mujh ko gham zarur dil jo mera uTha sake

waqt qarib aa gaya haal ajib ho gaya

aise mein tera nam hum phir bhi na lab pe la sake

us ne bhula ke aap ko nazron se bhi gira diya

'nasir'-e-KHasta-haal phir kyun na use bhula sake