aankhon se palkon tak jo do raste the

āñkhoñ se palkoñ tak jo do raste the

un rastoñ meñ kitne dariyā paḌte the

aur is se bhī rastā thoḌā āsān huā

ḳhvāb meñ ham ne saare jañgle dekhe the

ghuum rahā thā ik majnūñ bin vahshat ke

saare sahrā meñ us ke hī charche the

vaqt thā us kī ruḳhsat kā aur laTe thī maiñ

gaaḌī ke saare Dabbe bhī ik se the

ek mukammal manzar thā us manzar meñ

vo thā aur do-chār parinde baiThe the

aankhon se palkon tak jo do raste the

un raston mein kitne dariya paDte the

aur is se bhi rasta thoDa aasan hua

KHwab mein hum ne sare jangle dekhe the

ghum raha tha ek majnun bin wahshat ke

sare sahra mein us ke hi charche the

waqt tha us ki ruKHsat ka aur laTe thi main

gaDi ke sare Dabbe bhi ek se the

ek mukammal manzar tha us manzar mein

wo tha aur do-chaar parinde baiThe the