aankhon se pare nind ki raftar mein rahna

āñkhoñ se pare niiñd kī raftār meñ rahnā

har pal kisī nā-dīd ke dīdār meñ rahnā

kho jaanā use dekh ke uryāñ ke safar meñ

chhūte hī use hajla-e-asrār meñ rahnā

ik ḳhvāb-e-darīda ko rag-e-harf se siinā

phir le ke use kūcha-o-bāzār meñ rahnā

ḳhud apne ko hī dekh ke hairān sā honā

nargis kī tarah mausam-e-bīmār meñ rahnā

marnā yūñhī abresham-o-kam-ḳhvāb-e-havas meñ

dam toḌ ke zinda kabhī dīvār meñ rahnā

hasrat sī liye ḳhilqat-e-ma.asūm meñ phirnā

sāzish kī tarah gardish-e-darbār meñ rahnā

hai baḳht sitāroñ kā un āñkhoñ meñ chamaknā

aur gul kā muqaddar lab-o-ruḳhsār meñ rahnā

raunaq sī liye shahr ke rastoñ pe bikharnā

tanhā.ī kī sūrat dar-o-dīvār meñ rahnā

'sarmad' tapish-e-nār-e-suḳhan meñ huuñ ki mujh ko

gul kartā rahā shola-o-añgār meñ rahnā

aankhon se pare nind ki raftar mein rahna

har pal kisi na-did ke didar mein rahna

kho jaana use dekh ke uryan ke safar mein

chhute hi use hajla-e-asrar mein rahna

ek KHwab-e-darida ko rag-e-harf se sina

phir le ke use kucha-o-bazar mein rahna

KHud apne ko hi dekh ke hairan sa hona

nargis ki tarah mausam-e-bimar mein rahna

marna yunhi abresham-o-kam-KHwab-e-hawas mein

dam toD ke zinda kabhi diwar mein rahna

hasrat si liye KHilqat-e-masum mein phirna

sazish ki tarah gardish-e-darbar mein rahna

hai baKHt sitaron ka un aankhon mein chamakna

aur gul ka muqaddar lab-o-ruKHsar mein rahna

raunaq si liye shahr ke raston pe bikharna

tanhai ki surat dar-o-diwar mein rahna

'sarmad' tapish-e-nar-e-suKHan mein hun ki mujh ko

gul karta raha shola-o-angar mein rahna