aag ek aur laga denge hamare aansu

Naushad Ali

aag ek aur laga denge hamare aansu

Naushad Ali

MORE BYNaushad Ali

    aag ik aur lagā deñge hamāre aañsū

    nikle āñkhoñ se agar dil ke sahāre aañsū

    hāsil-e-ḳhūn-e-jigar dil ke haiñ paare aañsū

    be-bahā la.al-o-guhar haiñ ye hamāre aañsū

    hai koī ab jo lagī dil bujhā.e merī

    hijr meñ roke gañvā baiThā huuñ saare aañsū

    us masīhā jo furqat meñ huuñ royā shab-bhar

    ban ga.e charḳh-e-chahārum ke sitāre aañsū

    ḳhūn-e-dil ḳhūn-e-jigar bah gayā paanī ho kar

    kuchh na kaam aa.e mohabbat meñ hamāre aañsū

    mujh ko sone na diyā ashk-fishānī ne mirī

    raat bhar ginte rahe charḳh ke taare aañsū

    vo sañvar kar kabhī aa.e jo tasavvur meñ mire

    chashm-e-mushtāq ne sadqe meñ utāre aañsū

    paas rusvā.ī ne chhoḌā na sukūñ dāman

    girte girte ruke āñkhoñ ke kināre aañsū

    lutf ab aayā mirī ashk-fishānī huzūr

    pyārī āñkhoñ se kisī ke bahe pyāre aañsū

    merī qismat meñ hai ronā mujhe ro lene do

    tum na is tarah bahāo mire pyāre aañsū

    māh-o-anjum pe na phir apne kabhī naaz kare

    dekh le charḳh kisī din jo hamāre aañsū

    yuuñ tūfāñ jo uThāte rahe kuchh din 'naushād'

    aag duniyā meñ lagā deñge hamāre aañsū

    aag ek aur laga denge hamare aansu

    nikle aankhon se agar dil ke sahaare aansu

    hasil-e-KHun-e-jigar dil ke hain pare aansu

    be-baha lal-o-guhar hain ye hamare aansu

    hai koi ab jo lagi dil ki bujhae meri

    hijr mein roke ganwa baiTha hun sare aansu

    us masiha ki jo furqat mein hun roya shab-bhar

    ban gae charKH-e-chahaarum ke sitare aansu

    KHun-e-dil KHun-e-jigar bah gaya pani ho kar

    kuchh na kaam aae mohabbat mein hamare aansu

    mujh ko sone na diya ashk-fishani ne meri

    raat bhar ginte rahe charKH ke tare aansu

    wo sanwar kar kabhi aae jo tasawwur mein mere

    chashm-e-mushtaq ne sadqe mein utare aansu

    pas ruswai ne chhoDa na sukun ka daman

    girte girte ruke aankhon ke kinare aansu

    lutf ab aaya meri ashk-fishani ka huzur

    pyari aankhon se kisi ke bahe pyare aansu

    meri qismat mein hai rona mujhe ro lene do

    tum na is tarah bahao mere pyare aansu

    mah-o-anjum pe na phir apne kabhi naz kare

    dekh le charKH kisi din jo hamare aansu

    yun hi tufan jo uThate rahe kuchh din 'naushad'

    aag duniya mein laga denge hamare aansu

    Source :
    • Book : Aathwan Sur
    • Author : Naushad Ali
    • Publication : Naushad Academi Of Hindustani Sangeet (2006)
    • Edition : 2006

    Tagged Under :

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY