aap aur aap ka asar donon

aap aur aap kā asar donoñ

kar ga.e ham ko dar-ba-dar donoñ

donoñ tanhā.iyoñ ke maare the

is liye bhī haiñ ham-safar donoñ

ek bistar hai beach meñ takiya

kaise so.eñge raat bhar donoñ

baat baḌhne kī ye vajah bhī thī

baat karte the muḳhtasar donoñ

aap aa.e bhī aur chale bhī ga.e

jhūTh lagtī haiñ ye ḳhabar donoñ

ishq se log be-ḳhabar rahte

saath marte nahīñ agar donoñ

ek bachchī ġharīb aur an-paḌh

is parī ke nahīñ haiñ par donoñ

do gunī kar rahe the ḳhushiyoñ ko

ek duuje ko baañT kar donoñ

kaise muñh ko phulā.e baiThe haiñ

ek-dūje kī baat par donoñ

band karte hī aañkh aane lage

ek-dūje ko ab nazar donoñ

aap aur aap ka asar donon

kar gae hum ko dar-ba-dar donon

donon tanhaiyon ke mare the

is liye bhi hain ham-safar donon

ek bistar hai beach mein takiya

kaise soenge raat bhar donon

baat baDhne ki ye wajah bhi thi

baat karte the muKHtasar donon

aap aae bhi aur chale bhi gae

jhuTh lagti hain ye KHabar donon

ishq se log be-KHabar rahte

sath marte nahin agar donon

ek bachchi gharib aur an-paDh

is pari ke nahin hain par donon

do guni kar rahe the KHushiyon ko

ek duje ko banT kar donon

kaise munh ko phulae baiThe hain

ek-duje ki baat par donon

band karte hi aankh aane lage

ek-duje ko ab nazar donon