aap hi se na jab raha matlab
aap hī se na jab rahā matlab
phir raqīboñ se mujh ko kyā matlab
aarzū mere dil kī bar aa.e
sab kā puurā kare ḳhudā matlab
kar na mujh ko subuk raqīboñ meñ
yuuñ hañsī meñ na to uḌā matlab
ruk ga.ī baat tā-zabāñ aa kar
dil kā dil hī meñ rah gayā matlab
zid hī zid shaiḳh o barhaman kī thī
varna donoñ kā ek thā matlab
merī ik baat meñ haiñ sau pahlū
aur sab kā judā judā matlab
ġhair kī aur is qadar tārīf
ham samajhte haiñ aap kā matlab
aglī bātoñ kā zikr jaane do
aaj is tazkire se kyā matlab
ḳhush ho nā-faham bhī samajh ke 'hafīz'
saaf aisā ho sher kā matlab
aap hi se na jab raha matlab
phir raqibon se mujh ko kya matlab
aarzu mere dil ki bar aae
sab ka pura kare KHuda matlab
kar na mujh ko subuk raqibon mein
yun hansi mein na to uDa matlab
ruk gai baat ta-zaban aa kar
dil ka dil hi mein rah gaya matlab
zid hi zid shaiKH o barhaman ki thi
warna donon ka ek tha matlab
meri ek baat mein hain sau pahlu
aur sab ka juda juda matlab
ghair ki aur is qadar tarif
hum samajhte hain aap ka matlab
agli baaton ka zikr jaane do
aaj is tazkire se kya matlab
KHush ho na-faham bhi samajh ke 'hafiz'
saf aisa ho sher ka matlab
Source:
Diwan-e-Hafeez(Rekhta Website) (Pg. 37)
- Author: Hafeez Jaunpuri
-
- Edition: 1903
- Publisher: Matba Hakeem,Gorakhpur
- Year of Publication: 1903
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
