aap jo dard-e-dil ki dawa de gae

aap jo dard-e-dil kī davā de ga.e

mujh ko jiine kā ik mudda.ā de ga.e

maiñ ne pūchhā mirā aasrā kaun hai

likh ke kāġhaz pe lafz-e-ḳhudā de ga.e

maiñ jiyūñ tā-qayāmat qayāmat hai ye

vo duā meñ nihāñ badduā de ga.e

pāra-pāra dikhūñ is liye vo mujhe

ek TuuTā huā aa.ina de ga.e

hijr meñ maiñ jiyūñ hijr se maiñ marūñ

mere munsif mirā faisla de ga.e

aap jo dard-e-dil ki dawa de gae

mujh ko jine ka ek muddaa de gae

main ne puchha mera aasra kaun hai

likh ke kaghaz pe lafz-e-KHuda de gae

main jiyun ta-qayamat qayamat hai ye

wo dua mein nihan baddua de gae

para-para dikhun is liye wo mujhe

ek TuTa hua aaina de gae

hijr mein main jiyun hijr se main marun

mere munsif mera faisla de gae