aap ki aankh agar aaj gulabi hogi
aap kī aañkh agar aaj gulābī hogī
merī sarkār baḌī saḳht ḳharābī hogī
mohtasib ne hī paḌhā hogā maqāla pahle
mirī taqrīr ba-har-hāl javābī hogī
aañkh uThāne se bhī pahle hī vo hoñge ġhā.eb
kyā ḳhabar thī ki unheñ itnī shitābī hogī
har mohabbat ko samajhtā hai vo novel kā varaq
us parī-zād kī ta.alīm kitābī hogī
shaiḳh-jī ham to jahannam ke parinde Thahre
aap ke paas to firdaus kī chābī hogī
kar diyā muusā ko jis chiiz ne behosh 'adam'
be-naqābī nahīñ vo nīm-hijābī hogī
aap ki aankh agar aaj gulabi hogi
meri sarkar baDi saKHt KHarabi hogi
mohtasib ne hi paDha hoga maqala pahle
meri taqrir ba-har-haal jawabi hogi
aankh uThane se bhi pahle hi wo honge ghaeb
kya KHabar thi ki unhen itni shitabi hogi
har mohabbat ko samajhta hai wo nowel ka waraq
us pari-zad ki talim kitabi hogi
shaiKH-ji hum to jahannam ke parinde Thahre
aap ke pas to firdaus ki chabi hogi
kar diya musa ko jis chiz ne behosh 'adam'
be-naqabi nahin wo nim-hijabi hogi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
