aap ki yaad umr bhar aai

aap kī yaad umr bhar aa.ī

ham bhulāyā kiye magar aa.ī

dil kī har choT phir ubhar aa.ī

dekh kar un ko aañkh bhar aa.ī

kis ne tum ko bhulā diyā pyāre

aa.ī yaad aur umr bhar aa.ī

jab kisī meherbāñ ne pūchhā haal

dil dhaḌak uTThā aañkh bhar aa.ī

laakh iḳhfā-e-ġham karoge magar

kyā karoge jo aañkh bhar aa.ī

kar to leñ ham sharāb se tauba

phir tabī.at jo raah par aa.ī

tāb-e-ġham laa.e kis kā thā ye jigar

ye balā āshiqoñ ke sar aa.ī

kyoñ qadam Dagmagā.e jaate haiñ

ham-safar kis kī rahguzar aa.ī

sun ke 'nāshād' pyaar kī bāteñ

yaad kyā aa.ī aañkh bhar aa.ī

aap ki yaad umr bhar aai

hum bhulaya kiye magar aai

dil ki har choT phir ubhar aai

dekh kar un ko aankh bhar aai

kis ne tum ko bhula diya pyare

aai yaad aur umr bhar aai

jab kisi meherban ne puchha haal

dil dhaDak uTTha aankh bhar aai

lakh iKHfa-e-gham karoge magar

kya karoge jo aankh bhar aai

kar to len hum sharab se tauba

phir tabiat jo rah par aai

tab-e-gham lae kis ka tha ye jigar

ye bala aashiqon ke sar aai

kyon qadam Dagmagae jate hain

ham-safar kis ki rahguzar aai

sun ke 'nashad' pyar ki baaten

yaad kya aai aankh bhar aai