aapko ghair se ulfat ho gai

aap ko ġhair se ulfat ho ga.ī

haañ jabhī to mujh se nafrat ho ga.ī

in butoñ se tark-e-ulfat ho ga.ī

mujh pe ḳhāliq kī ināyat ho ga.ī

hijr meñ us ke ye vahshat ho ga.ī

apne saa.e se bhī nafrat ho ga.ī

ḳhvāb meñ un kī ziyārat ho ga.ī

aaj puurī dil kī hasrat ho ga.ī

chaliye jhagḌoñ se farāġhat ho ga.ī

jaan apnī nazr-e-furqat ho ga.ī

hijr meñ mujh pe jo kuchh guzrī na pūchh

ho ga.ī jo merī hālat ho ga.ī

had tirī jaur-o-jafā-o-zulm kī

ho ga.ī o be-muravvat ho ga.ī

ab to vo sūrat bhī dikhlāte nahīñ

chaar din sāhab-salāmat ho ga.ī

mujh ko ik din hai bajā.e ek saal

aap kī duurī qayāmat ho ga.ī

jaan dī nāhaq ko maiñ ne hijr meñ

muft us but se nadāmat ho ga.ī

dī ye saaqī ne mujhe kaisī sharāb

bad-maza merī tabī.at ho ga.ī

ġhaur se sunte haiñ ik ik harf vo

dāstān-e-ġham hikāyat ho ga.ī

sach kahā ai dil butoñ ke zulm se

jaan aajiz fil-haqīqat ho ga.ī

us ke kūche kī gadā.ī ai 'fahīm'

mere haq meñ bādshāhat ho ga.ī

aap ko ghair se ulfat ho gai

han jabhi to mujh se nafrat ho gai

in buton se tark-e-ulfat ho gai

mujh pe KHaliq ki inayat ho gai

hijr mein us ke ye wahshat ho gai

apne sae se bhi nafrat ho gai

KHwab mein un ki ziyarat ho gai

aaj puri dil ki hasrat ho gai

chaliye jhagDon se faraghat ho gai

jaan apni nazr-e-furqat ho gai

hijr mein mujh pe jo kuchh guzri na puchh

ho gai jo meri haalat ho gai

had teri jaur-o-jafa-o-zulm ki

ho gai o be-murawwat ho gai

ab to wo surat bhi dikhlate nahin

chaar din sahab-salamat ho gai

mujh ko ek din hai bajae ek sal

aap ki duri qayamat ho gai

jaan di nahaq ko main ne hijr mein

muft us but se nadamat ho gai

di ye saqi ne mujhe kaisi sharab

bad-maza meri tabiat ho gai

ghaur se sunte hain ek ek harf wo

dastan-e-gham hikayat ho gai

sach kaha ai dil buton ke zulm se

jaan aajiz fil-haqiqat ho gai

us ke kuche ki gadai ai 'fahim'

mere haq mein baadshahat ho gai