aarzu band nigahon ka safar hai shayad

aarzū band nigāhoñ kā safar hai shāyad

duur āfāq se ārām-nagar hai shāyad

kitne ma.asūm badan jhuul ga.e suulī par

ab ke sarsabz daraḳhtoñ meñ bhañvar hai shāyad

shaam aatī hai to chiḌiyoñ kī chahak suntā huuñ

mere andar koī nādīda shajar hai shāyad

log sab dauḌ rahe haiñ abhī uupar kī taraf

āsmānoñ meñ chhupā nūr-e-nazar hai shāyad

aarzu band nigahon ka safar hai shayad

dur aafaq se aaram-nagar hai shayad

kitne masum badan jhul gae suli par

ab ke sarsabz daraKHton mein bhanwar hai shayad

sham aati hai to chiDiyon ki chahak sunta hun

mere andar koi nadida shajar hai shayad

log sab dauD rahe hain abhi upar ki taraf

aasmanon mein chhupa nur-e-nazar hai shayad