aarzu dil mein banae hue ghar hai bhi to kya

aarzū dil meñ banā.e hue ghar hai bhī to kyā

us se kuchh kaam bhī nikle ye agar hai bhī to kyā

na vo pūchhe na davā de na vo dekhe na vo aa.e

dard-e-dil hai bhī to kyā dard-e-jigar hai bhī to kyā

aap se mujh ko mohabbat jo nahīñ hai na sahī

aur ba-qaul aap ke hone ko agar hai bhī to kyā

der hī kyā hai hasīnoñ kī nigāheñ phirte

mujh pe do din ko ināyat kī nazar hai bhī to kyā

sub.h tak kaun jiyegā shab-e-tanhā.ī meñ

dil-e-nādāñ tujhe ummīd-e-sahar hai bhī to kyā

maiñ ba-dastūr jalūñgā ye na hogī 'muztar'

merī sāthī shab-e-ġham sham-e-sahar hai bhī to kyā

aarzu dil mein banae hue ghar hai bhi to kya

us se kuchh kaam bhi nikle ye agar hai bhi to kya

na wo puchhe na dawa de na wo dekhe na wo aae

dard-e-dil hai bhi to kya dard-e-jigar hai bhi to kya

aap se mujh ko mohabbat jo nahin hai na sahi

aur ba-qaul aap ke hone ko agar hai bhi to kya

der hi kya hai hasinon ki nigahen phirte

mujh pe do din ko inayat ki nazar hai bhi to kya

subh tak kaun jiyega shab-e-tanhai mein

dil-e-nadan tujhe ummid-e-sahar hai bhi to kya

main ba-dastur jalunga ye na hogi 'muztar'

meri sathi shab-e-gham sham-e-sahar hai bhi to kya