aarzu thi ye bikheren apni kirnen subh tak

aarzū thī ye bikhereñ apnī kirneñ sub.h tak

rote rote bujh ga.ī haiñ saarī sham.eñ sub.h tak

shab kī muTThī meñ parindoñ kī tarah vo so ga.iiñ

ho ga.iiñ zinda hathelī par lakīreñ sub.h tak

vaqt kī guzrī ibārat kī tilāvat ke liye

raat kī tanhā.iyoñ meñ aao ghūmeñ sub.h tak

din kā sūraj un pe likkhegā anokhe tabsire

ham ne jo tālīf kiiñ dil par kitābeñ sub.h tak

zindagī ke rāstoñ meñ jo kahīñ gum ho ga.e

DhūñDtī ab un ko haiñ ḳhvāboñ meñ āñkheñ sub.h tak

āshiyānoñ meñ na jab lauTe parinde to 'sadīd'

duur tak taktī rahīñ shāḳhoñ meñ āñkheñ sub.h tak

aarzu thi ye bikheren apni kirnen subh tak

rote rote bujh gai hain sari shamen subh tak

shab ki muTThi mein parindon ki tarah wo so gain

ho gain zinda hatheli par lakiren subh tak

waqt ki guzri ibarat ki tilawat ke liye

raat ki tanhaiyon mein aao ghumen subh tak

din ka suraj un pe likkhega anokhe tabsire

hum ne jo talif kin dil par kitaben subh tak

zindagi ke raston mein jo kahin gum ho gae

DhunDti ab un ko hain KHwabon mein aankhen subh tak

aashiyanon mein na jab lauTe parinde to 'sadid'

dur tak takti rahin shaKHon mein aankhen subh tak