aas ko dasht-e-arzu de de

aas ko dasht-e-ārzū de de

paañv ko karb-e-justujū de de

ab ke phūloñ kā rang phīkā hai

fasl-e-gul ko mirā lahū de de

maiñ kahāñ aur matā'-e-dard kahāñ

yeh terī den jis ko tū de de

be-zabānī meñ 'umr guzrī hai

aaj to izn-e-guftugū de de

'umr bhar dostoñ kā naam na luuñ

gar qarīne kā ik 'adū de de

jis ne sairāb kar diyā mujh ko

vā'izoñ ko bhī vo subū de de

terā 'mājid' ḳhamosh hai kab se

koī mauzū'-e-guftugū de de

aas ko dasht-e-arzu de de

panw ko karb-e-justuju de de

ab ke phulon ka rang phika hai

fasl-e-gul ko mera lahu de de

main kahan aur mata'-e-dard kahan

yeh teri den jis ko tu de de

be-zabani mein 'umr guzri hai

aaj to izn-e-guftugu de de

'umr bhar doston ka nam na lun

gar qarine ka ek 'adu de de

jis ne sairab kar diya mujh ko

wa'izon ko bhi wo subu de de

tera 'majid' KHamosh hai kab se

koi mauzu'-e-guftugu de de