aas mein kaTe bis baras aur yas mein kaTe bis baras

aas meñ kaaTe biis baras aur yaas meñ kaaTe biis baras

kuchh na pūchho ham ne kaise kaaTe haiñ chālīs baras

jis ne ham ko ishq sikhāyā jis se samjhe saare gur

us kī umr thī sola satrah apnī thī ikkīs baras

aate jaate har mausam meñ us kā jaadū qaa.em hai

biis baras se dekh rahā huuñ lagtī hai unnīs baras

merā jism bhī suukh chalā hai niil ke sāhil jaisā khet

mulk-e-sulemāñ par tū lahrā bādal bin bilqīs baras

āḳhir shab meñ saare momin resha resha bhiig ga.e

zāhid jitne ḳhushk bache haiñ un pe tū iblīs baras

ham ko bichhḌe kitne guzre saal batā duuñ ai kashmīr

tere sola mere sola hote haiñ battīs baras

aas mein kaTe bis baras aur yas mein kaTe bis baras

kuchh na puchho hum ne kaise kaTe hain chaalis baras

jis ne hum ko ishq sikhaya jis se samjhe sare gur

us ki umr thi sola satrah apni thi ikkis baras

aate jate har mausam mein us ka jadu qaem hai

bis baras se dekh raha hun lagti hai unnis baras

mera jism bhi sukh chala hai nil ke sahil jaisa khet

mulk-e-suleman par tu lahra baadal bin bilqis baras

aaKHir shab mein sare momin resha resha bhig gae

zahid jitne KHushk bache hain un pe tu iblis baras

hum ko bichhDe kitne guzre sal bata dun ai kashmir

tere sola mere sola hote hain battis baras