aasar-e-junun be-sar-o-saman nahin hote

āsār-e-junūñ be-sar-o-sāmāñ nahīñ hote

ham shahr-e-tahayyur meñ pareshāñ nahīñ hote

raste meñ tilismāt bichhī jaatī haiñ har dam

ham ḳhū-e-safar sūrat-e-hairāñ nahīñ hote

maazī kī tanāboñ se lage dard ke ḳheme

kyā jāniye kyuuñ dīda-e-imkāñ nahīñ hote

ḳhvāboñ kī havelī se ravāñ shor-e-musalsal

āvāz-e-jaras ke liye zindāñ nahīñ hote

ham zabt kī tārīḳh ke haiñ baab 'rashīdī'

ham zabt kī tārīḳh meñ pinhāñ nahīñ hote

aasar-e-junun be-sar-o-saman nahin hote

hum shahr-e-tahayyur mein pareshan nahin hote

raste mein tilismat bichhi jati hain har dam

hum KHu-e-safar surat-e-hairan nahin hote

mazi ki tanabon se lage dard ke KHeme

kya jaaniye kyun dida-e-imkan nahin hote

KHwabon ki haweli se rawan shor-e-musalsal

aawaz-e-jaras ke liye zindan nahin hote

hum zabt ki tariKH ke hain bab 'rashidi'

hum zabt ki tariKH mein pinhan nahin hote