aashiq ke mukh pe nain ke pani ko dekh tun
āshiq ke mukh pe nain ke paanī ko dekh tuuñ
is ārasī meñ rāz-e-nihānī kuuñ dekh tuuñ
sun be-qarār dil kī aval āh-e-shola-ḳhez
tab is haraf meñ dil ke ma.ānī kuuñ dekh tuuñ
ḳhūbī suuñ tujh huzūr o shama dam-zanī meñ hai
us be-hayā kī charb-zabānī kuuñ dekh tuuñ
dariyā pe jā ke mauj-e-ravāñ par nazar na kar
añjhuvāñ kī mere aa ke ravānī kuuñ dekh tuuñ
tujh shauq kā jo daaġh 'valī' ke jigar meñ hai
be-tāqatī meñ us kī nishānī kuuñ dekh tuuñ
aashiq ke mukh pe nain ke pani ko dekh tun
is aarasi mein raaz-e-nihani kun dekh tun
sun be-qarar dil ki awal aah-e-shola-KHez
tab is haraf mein dil ke maani kun dekh tun
KHubi sun tujh huzur o shama dam-zani mein hai
us be-haya ki charb-zabani kun dekh tun
dariya pe ja ke mauj-e-rawan par nazar na kar
anjhuwan ki mere aa ke rawani kun dekh tun
tujh shauq ka jo dagh 'wali' ke jigar mein hai
be-taqati mein us ki nishani kun dekh tun
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
