aashiyan apna bina diwar-o-dar hota nahin

āshiyāñ apnā binā dīvār-o-dar hotā nahīñ

be-muravvat kaash ye terā shahar hotā nahīñ

kyuuñ pashemāñ ho ke tum ne dard-e-dil mujh ko diyā

har gunah sañgīn aisā jaan kar hotā nahīñ

aap kā thā saath to thī zindagī par kyā kaheñ

ab safar aisā hai jis meñ ham-safar hotā nahīñ

hai ġhazab Dhātā ajab ye kār-o-bār-e-intizār

raat guzre taare gin, par din basar hotā nahīñ

aa.e haiñ sunte ki aisā vaqt bhī aatā hai jab

ho davā yā phir duā kuchh kārgar hotā nahīñ

duniyā se laḌ jā.iye āsān hai kahnā huzūr

dekhiye har shaḳhs meñ itnā jigar hotā nahīñ

aashiyan apna bina diwar-o-dar hota nahin

be-murawwat kash ye tera shahar hota nahin

kyun pasheman ho ke tum ne dard-e-dil mujh ko diya

har gunah sangin aisa jaan kar hota nahin

aap ka tha sath to thi zindagi par kya kahen

ab safar aisa hai jis mein ham-safar hota nahin

hai ghazab Dhata ajab ye kar-o-bar-e-intizar

raat guzre tare gin, par din basar hota nahin

aae hain sunte ki aisa waqt bhi aata hai jab

ho dawa ya phir dua kuchh kargar hota nahin

duniya se laD jaiye aasan hai kahna huzur

dekhiye har shaKHs mein itna jigar hota nahin