aashna ho kar taghaful aashna kyun ho gae

Akhtar Shirani

aashna ho kar taghaful aashna kyun ho gae

Akhtar Shirani

MORE BY Akhtar Shirani

    āshnā ho kar taġhāful āshnā kyuuñ ho ga.e

    bā-vafā the tum to āḳhir bevafā kyuuñ ho ga.e

    aur bhī rahte abhī kuchh din nazar ke sāmne

    dekhte dekhte ham se ḳhafā kyuuñ ho ga.e

    in vafādārī ke vādoñ ko ilāhī kyā huā

    vo vafā.eñ karne vaale bevafā kyuuñ ho ga.e

    kis tarah dil se bhulā baiThe hamārī yaad ko

    is tarah pardes kar bevafā kyuuñ ho ga.e

    tum to kahte the ki ham tujh ko na bhūleñge kabhī

    bhuul kar ham ko taġhāful āshnā kyuuñ ho ga.e

    ham tumhārā dard-e-dil sun sun ke hañste the kabhī

    aaj rote haiñ ki yuuñ dard-āshnā kyuuñ ho ga.e

    chāñd ke TukḌe bhī nazroñ meñ samā sakte nahīñ

    kyā batā.eñ ham tire dar ke gadā kyuuñ ho ga.e

    ye javānī ye ghaTā.eñ ye havā.eñ ye bahār

    hazrat-e-'aḳhtar' abhī se pārsā kyuuñ ho ga.e

    aashna ho kar taghaful aashna kyun ho gae

    ba-wafa the tum to aaKHir bewafa kyun ho gae

    aur bhi rahte abhi kuchh din nazar ke samne

    dekhte hi dekhte hum se KHafa kyun ho gae

    in wafadari ke wadon ko ilahi kya hua

    wo wafaen karne wale bewafa kyun ho gae

    kis tarah dil se bhula baiThe hamari yaad ko

    is tarah pardes ja kar bewafa kyun ho gae

    tum to kahte the ki hum tujh ko na bhulenge kabhi

    bhul kar hum ko taghaful aashna kyun ho gae

    hum tumhaara dard-e-dil sun sun ke hanste the kabhi

    aaj rote hain ki yun dard-ashna kyun ho gae

    chand ke TukDe bhi nazron mein sama sakte nahin

    kya bataen hum tere dar ke gada kyun ho gae

    ye jawani ye ghaTaen ye hawaen ye bahaar

    hazrat-e-'aKHtar' abhi se parsa kyun ho gae

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites