aasman par abr-pare ka safar mere liye

āsmāñ par abr-pāre kā safar mere liye

ḳhaak par mahkā huā chhoTā sā ghar mere liye

lafz kī chhāgal jo chahke ḳhāk-dāñ ābād ho

vajd meñ aane lageñ saare shajar mere liye

duur tak uḌte hue jugnū tirī āvāz ke

duur tak reg-e-ravāñ par ik nagar mere liye

āshnā nazroñ se dekheñ raat bhar taare tujhe

ghūrtī āñkhoñ kī ye bastī magar mere liye

le ga.ī hai saarī ḳhushbū chhīn kar ThanDī havā

pattiyāñ bikhrī paḌī haiñ ḳhaak par mere liye

band us ne kar liye the ghar ke darvāze agar

phir khulā kyuuñ rah gayā thā ek dar mere liye

ḳhaak par bikhre hue qadmoñ-tale rauñde hue

tohfatan laa.ī havā mere hī par mere liye

aasman par abr-pare ka safar mere liye

KHak par mahka hua chhoTa sa ghar mere liye

lafz ki chhagal jo chahke KHak-dan aabaad ho

wajd mein aane lagen sare shajar mere liye

dur tak uDte hue jugnu teri aawaz ke

dur tak reg-e-rawan par ek nagar mere liye

aashna nazron se dekhen raat bhar tare tujhe

ghurti aankhon ki ye basti magar mere liye

le gai hai sari KHushbu chhin kar ThanDi hawa

pattiyan bikhri paDi hain KHak par mere liye

band us ne kar liye the ghar ke darwaze agar

phir khula kyun rah gaya tha ek dar mere liye

KHak par bikhre hue qadmon-tale raunde hue

tohfatan lai hawa mere hi par mere liye