aasman par biTha diya mujhko

āsmāñ par biThā diyā mujh ko

is suḳhan ne jhukā diyā mujh ko

dāstāñ zindagī kī itnī hai

zindagī ne khapā diyā mujh ko

chhāñv meñ jab gayā maiñ sustāne

ḳhvāhishoñ ne uThā diyā mujh ko

sabr kī chhat bachāte haiñ kaise

āñdhiyoñ ne sikhā diyā mujh ko

maiñ thā be-fikr baiTh kashtī meñ

kashtī ne hī Dubo diyā mujh ko

phone par terī is ḳhamoshī ne

aaj phir se rulā diyā mujh ko

kis qadar dūriyoñ kī chādar hai

karvaToñ ne batā diyā mujh ko

ḳhvāb sī zindagī thī 'ġhāfil' kī

shukriya jo jagā diyā mujh ko

aasman par biTha diya mujh ko

is suKHan ne jhuka diya mujh ko

dastan zindagi ki itni hai

zindagi ne khapa diya mujh ko

chhanw mein jab gaya main sustane

KHwahishon ne uTha diya mujh ko

sabr ki chhat bachate hain kaise

aandhiyon ne sikha diya mujh ko

main tha be-fikr baiTh kashti mein

kashti ne hi Dubo diya mujh ko

phone par teri is KHamoshi ne

aaj phir se rula diya mujh ko

kis qadar duriyon ki chadar hai

karwaTon ne bata diya mujh ko

KHwab si zindagi thi 'ghafil' ki

shukriya jo jaga diya mujh ko