aasman suraj sitare bahr-o-bar kis ke liye
āsmāñ sūraj sitāre bahr-o-bar kis ke liye
ye safar kis ke liye raḳht-e-safar kis ke liye
vo hare din vo bhare mausam to kab ke jā chuke
haath phailā.e khaḌe haiñ ab shajar kis ke liye
din nikalte hī nikal aa.e the kis kī khoj meñ
shaam Dhalte hī chale aa.e haiñ ghar kis ke liye
tū kisī kā muntazir kab thā magar ye to batā
umr-bhar dil kā khulā rakkhā hai dar kis ke liye
kaun dariyāoñ kī haibat oḌh kar niklā 'najīb'
chīḳh uTThe haiñ samundar meñ bhañvar kis ke liye
aasman suraj sitare bahr-o-bar kis ke liye
ye safar kis ke liye raKHt-e-safar kis ke liye
wo hare din wo bhare mausam to kab ke ja chuke
hath phailae khaDe hain ab shajar kis ke liye
din nikalte hi nikal aae the kis ki khoj mein
sham Dhalte hi chale aae hain ghar kis ke liye
tu kisi ka muntazir kab tha magar ye to bata
umr-bhar dil ka khula rakkha hai dar kis ke liye
kaun dariyaon ki haibat oDh kar nikla 'najib'
chiKH uTThe hain samundar mein bhanwar kis ke liye
- Book : Urdu Adab (Pg. 67)
- Author : Iqbal Hussain
- Publication : Iqbal Hussain Publishers (Jan, Feb. Mar 1996)
- Edition : Jan, Feb. Mar 1996
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
