aasmanon se aae hue nur the rashk-e-mahtab the

āsmānoñ se aa.e hue nuur the rashk-e-mahtāb the

vo to bāġh-e-vafā ke ajab phuul the ḳhushbu-e-ḳhvāb the

maiñ ne dekhā sunā husn kā vāqi.a jab paḌhā to kahā

vo kitāb-e-mohabbat kī āyāt the ishq kā baab the

un daraḳhtoñ ke pīchhe kahīñ maiñ bhī thā ik shagūfa khilā

kuchh parinde shanāsā tabī.at ke the jo ki nāyāb the

pattī pattī kī sūrat the bikhre hue gul hasīñ baaġh ke

surḳh āñdhī chalī hijr lāhaq huā phir bhī shādāb the

dard se māvarā ishq kā kārvāñ shauq-e-'manzar' rahā

husn hairat meñ hai shal hue hī nahīñ kaise a.asāb the

aasmanon se aae hue nur the rashk-e-mahtab the

wo to bagh-e-wafa ke ajab phul the KHushbu-e-KHwab the

main ne dekha suna husn ka waqia jab paDha to kaha

wo kitab-e-mohabbat ki aayat the ishq ka bab the

un daraKHton ke pichhe kahin main bhi tha ek shagufa khila

kuchh parinde shanasa tabiat ke the jo ki nayab the

patti patti ki surat the bikhre hue gul hasin bagh ke

surKH aandhi chali hijr lahaq hua phir bhi shadab the

dard se mawara ishq ka karwan shauq-e-'manzar' raha

husn hairat mein hai shal hue hi nahin kaise aasab the