aata hai kaun dard ke maron ke shahr mein
aatā hai kaun dard ke māroñ ke shahr meñ
rahte haiñ log chāñd sitāroñ ke shahr meñ
miltā to hai ḳhushī kī haqīqat kā kuchh surāġh
lekin nazar-fareb ishāroñ ke shahr meñ
un añkhḌiyoñ ko dekh ke hotā hai ye gumāñ
ham aa base haiñ bāda-gusāroñ ke shahr meñ
ai dil tire ḳhulūs ke sadqe! zarā sā hosh
dushman bhī be-shumār haiñ yāroñ ke shahr meñ
dekheñ 'adam' nasīb meñ hai kyā likhā huā
dil bechne chale haiñ nigāroñ ke shahr meñ
aata hai kaun dard ke maron ke shahr mein
rahte hain log chand sitaron ke shahr mein
milta to hai KHushi ki haqiqat ka kuchh suragh
lekin nazar-fareb ishaaron ke shahr mein
un ankhDiyon ko dekh ke hota hai ye guman
hum aa base hain baada-gusaron ke shahr mein
ai dil tere KHulus ke sadqe! zara sa hosh
dushman bhi be-shumar hain yaron ke shahr mein
dekhen 'adam' nasib mein hai kya likha hua
dil bechne chale hain nigaron ke shahr mein
- Book : Kulliyat-e-Adm (Pg. 465)
- Author : Khwaja Mohammad Zakariya
- Publication : Alhamd Publications, Lahore (2009)
- Edition : 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
