aawara bhaTakta raha paigham kisi ka
āvāra bhaTaktā rahā paiġhām kisī kā
maktūb kisī aur kā thā naam kisī kā
hai ek hī lamha jo kahīñ vasl kahīñ hijr
taklīf kisī ke liye ārām kisī kā
kuchh logoñ ko ruḳhsat bhī kiyā kartī hai zālim
rasta bhī takā kartī hai ye shaam kisī kā
ik qahr huā kartī hai ye mahfil-e-mai bhī
jab hoñT kisī aur kā ho jaam kisī kā
muddat huī Duube hue ḳhvāboñ kā safīna
maujoñ pe chamaktā hai magar naam kisī kā
aawara bhaTakta raha paigham kisi ka
maktub kisi aur ka tha nam kisi ka
hai ek hi lamha jo kahin wasl kahin hijr
taklif kisi ke liye aaram kisi ka
kuchh logon ko ruKHsat bhi kiya karti hai zalim
rasta bhi taka karti hai ye sham kisi ka
ek qahr hua karti hai ye mahfil-e-mai bhi
jab honT kisi aur ka ho jam kisi ka
muddat hui Dube hue KHwabon ka safina
maujon pe chamakta hai magar nam kisi ka
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
