aawazon ke jangal mein sunai nahin deta

āvāzoñ ke jañgal meñ sunā.ī nahīñ detā

vo bhiiḌ hai chehrā bhī sujhā.ī nahīñ detā

āfāq kī vus.at meñ bikharne ko huuñ bechain

kyuuñ jism ke zindāñ se rihā.ī nahīñ detā

vo haqq-e-rifāqat kī rivāyat kā amiiñ hai

vo haq bhī to ik bhaa.ī ko bhaa.ī nahīñ detā

paḌ jaa.e agar vaqt to is daur meñ koī

parbat to baḌī baat hai raa.ī nahīñ detā

bārish meñ bhī vo bhīgtā rahtā hai ḳhushī se

āñdhī meñ bhī vo peḌ duhā.ī nahīñ detā

be māñge bhī de detā hai shāhī jise chāhe

aur māñgne vaale ko gadā.ī nahīñ detā

vo shaḳhs jo rahtā hai 'asar' aañkh meñ har-dam

hairat hai ki ḳhud mujh ko dikhā.ī nahīñ detā

aawazon ke jangal mein sunai nahin deta

wo bhiD hai chehra bhi sujhai nahin deta

aafaq ki wusat mein bikharne ko hun bechain

kyun jism ke zindan se rihai nahin deta

wo haqq-e-rifaqat ki riwayat ka amin hai

wo haq bhi to ek bhai ko bhai nahin deta

paD jae agar waqt to is daur mein koi

parbat to baDi baat hai rai nahin deta

barish mein bhi wo bhigta rahta hai KHushi se

aandhi mein bhi wo peD duhai nahin deta

be mange bhi de deta hai shahi jise chahe

aur mangne wale ko gadai nahin deta

wo shaKHs jo rahta hai 'asar' aankh mein har-dam

hairat hai ki KHud mujh ko dikhai nahin deta