aaya hun sang o KHisht ke ambar dekh kar
aayā huuñ sañg o ḳhisht ke ambār dekh kar
ḳhauf aa rahā hai sāya-e-dīvār dekh kar
āñkheñ khulī rahī haiñ mirī intizār meñ
aa.e na ḳhvāb dīda-e-bedār dekh kar
ġham kī dukān khol ke baiThā huā thā maiñ
aañsū nikal paḌe haiñ ḳharīdār dekh kar
kyā ilm thā phisalne lageñge mire qadam
maiñ to chalā thā raah ko hamvār dekh kar
har koī pārsā.ī kī umda misāl thā
dil ḳhush huā hai ek gunahgār dekh kar
aaya hun sang o KHisht ke ambar dekh kar
KHauf aa raha hai saya-e-diwar dekh kar
aankhen khuli rahi hain meri intizar mein
aae na KHwab dida-e-bedar dekh kar
gham ki dukan khol ke baiTha hua tha main
aansu nikal paDe hain KHaridar dekh kar
kya ilm tha phisalne lagenge mere qadam
main to chala tha rah ko hamwar dekh kar
har koi parsai ki umda misal tha
dil KHush hua hai ek gunahgar dekh kar
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
