aaya nahin jo kar kar iqrar hanste hanste

aayā nahīñ jo kar kar iqrār hañste hañste

jul de gayā hai shāyad 'ayyār hañste hañste

itnā na hañs dil us se aisā na ho ki chanchal

laḌne ko tujh se hove tayyār hañste hañste

le kar sarīh dil ko vo gul-e-'ezār yaaro

zāhir kare hai kyā kyā inkār hañste hañste

hañs hañs ke chheḌ us ko zinhār tū na ai dil

hogā gale kā tere ye haar hañste hañste

hañsne kī aan dikhlā letā hai dil ko gul-rū

kartā hai shoḳh yaaro be-kār hañste hañste

jhuñjhlā ke haal dil kā kahnā nahīñ ravā hai

laa.iq yahāñ to karnā inkār hañste hañste

dastār surḳh saj kar turra zarī kā rakh kar

aayā jo dil ko lene dildār hañste hañste

āñkheñ laḌā ke us ne hañs kar nigah kī aisī

jo le gayā dil āḳhir ḳhūñḳhār hañste hañste

aayā hai dekhne ko tere 'nazīr' ai gul

dikhlā de Tuk tū us ko dīdār hañste hañste

aaya nahin jo kar kar iqrar hanste hanste

jul de gaya hai shayad 'ayyar hanste hanste

itna na hans dil us se aisa na ho ki chanchal

laDne ko tujh se howe tayyar hanste hanste

le kar sarih dil ko wo gul-e-'ezar yaro

zahir kare hai kya kya inkar hanste hanste

hans hans ke chheD us ko zinhaar tu na ai dil

hoga gale ka tere ye haar hanste hanste

hansne ki aan dikhla leta hai dil ko gul-ru

karta hai shoKH yaro be-kar hanste hanste

jhunjhla ke haal dil ka kahna nahin rawa hai

laiq yahan to karna inkar hanste hanste

dastar surKH saj kar turra zari ka rakh kar

aaya jo dil ko lene dildar hanste hanste

aankhen laDa ke us ne hans kar nigah ki aisi

jo le gaya dil aaKHir KHunKHar hanste hanste

aaya hai dekhne ko tere 'nazir' ai gul

dikhla de Tuk tu us ko didar hanste hanste