aaya tha sath le ke main saughat-e-KHair-o-shar

aayā thā saath le ke maiñ sauġhāt-e-ḳhair-o-shar

pīchhe lagī rahīñ magar āyāt-e-ḳhair-o-shar

jhūTī anā ke zo.am meñ ghar se nikal paḌā

ai kaash bhuul jā.ūñ vo lamhāt-e-ḳhair-o-shar

bachchoñ ko dars dene kā nusḳha badal gayā

dete haiñ maulvī na hidāyāt-e-ḳhair-o-shar

samtoñ kā kuchh ḳhayāl na auqāt hī kā ilm

allah re justujū-e-maqāmāt-e-ḳhair-o-shar

'mansūr' apnī āñkhoñ pe aayā na e.atibār

aa.e the mujh ko dene vo ḳhairāt-e-khair-o-shar

aaya tha sath le ke main saughat-e-KHair-o-shar

pichhe lagi rahin magar aayat-e-KHair-o-shar

jhuTi ana ke zoam mein ghar se nikal paDa

ai kash bhul jaun wo lamhat-e-KHair-o-shar

bachchon ko dars dene ka nusKHa badal gaya

dete hain maulwi na hidayat-e-KHair-o-shar

samton ka kuchh KHayal na auqat hi ka ilm

allah re justuju-e-maqamat-e-KHair-o-shar

'mansur' apni aankhon pe aaya na eatibar

aae the mujh ko dene wo KHairaat-e-khair-o-shar