aaya to dil-e-wahshi dar-band-e-niyaz aaya

aayā to dil-e-vahshī dar-band-e-niyāz aayā

bargashta muqaddar thā sar-gashta-e-nāz aayā

ik harf-e-shikāyat par kyuuñ ruuTh ke jaate ho

jaane do ga.e shikve aa jaao maiñ baaz aayā

nau-vārid-e-hastī uTh kis vahm meñ baiThā hai

hotī hai azaañ sun le chal vaqt-e-namāz aayā

bardashta-ḳhātir thā ishrat kī haqīqat se

maiñ dām-e-musībat meñ āsūda-e-rāz aayā

rāhat-gah-e-turbat se tū ne to bahut rokā

marmar ke magar maiñ bhī ai umr-e-darāz aayā

bhūlā huā phirtā hai dil apnī haqīqat ko

le ai ġham-e-hastī le ik mahv-e-majāz aayā

kal hayyā-alā kī sī āvāz ik aa.ī thī

'nātiq' ne kahā sun kar haañ banda-navāz aayā

aaya to dil-e-wahshi dar-band-e-niyaz aaya

bargashta muqaddar tha sar-gashta-e-naz aaya

ek harf-e-shikayat par kyun ruTh ke jate ho

jaane do gae shikwe aa jao main baz aaya

nau-warid-e-hasti uTh kis wahm mein baiTha hai

hoti hai azan sun le chal waqt-e-namaz aaya

bardashta-KHatir tha ishrat ki haqiqat se

main dam-e-musibat mein aasuda-e-raaz aaya

rahat-gah-e-turbat se tu ne to bahut roka

marmar ke magar main bhi ai umr-e-daraaz aaya

bhula hua phirta hai dil apni haqiqat ko

le ai gham-e-hasti le ek mahw-e-majaz aaya

kal hayya-ala ki si aawaz ek aai thi

'natiq' ne kaha sun kar han banda-nawaz aaya