aazmaya hai mudam aapko bas bas aji bas

āzmāyā hai mudām aap ko bas bas ajī bas

donoñ hāthoñ se salām aap ko bas bas ajī bas

aap kī banda-navāzī hai jahāñ meñ mash.hūr

jāntā hai ye ġhulām aap ko bas bas ajī bas

muñh na khulvā.iye merā yūñhī rahne diije

yaad bhī hai vo kalām aap ko bas bas ajī bas

ham ne kal dekh liyā dekh liyā dekh liyā

kahīñ jaate sar-e-shām aap ko bas bas ajī bas

pīji.e ḳhūn-e-jigar apnā janāb-e-zāhid

bāda-o-sāġhar-o-jām aap ko bas bas ajī bas

aazmaya hai mudam aap ko bas bas aji bas

donon hathon se salam aap ko bas bas aji bas

aap ki banda-nawazi hai jahan mein mashhur

jaanta hai ye ghulam aap ko bas bas aji bas

munh na khulwaiye mera yunhi rahne dije

yaad bhi hai wo kalam aap ko bas bas aji bas

hum ne kal dekh liya dekh liya dekh liya

kahin jate sar-e-sham aap ko bas bas aji bas

pijie KHun-e-jigar apna janab-e-zahid

baada-o-saghar-o-jam aap ko bas bas aji bas