ab aankh bhi mashshaq hui zer-o-zabar ki

ab aañkh bhī mashshāq huī zer-o-zabar kī

ḳhvāhish to tirī ghaaT kī rah paa.ī na ghar kī

rañg apne jo the bhar bhī kahāñ paa.e kabhī ham

ham ne to sadā radd-e-amal meñ hī basar kī

jab sirf tire gul meñ mirā hissa nazar hai

phir soch hai kyā dard ye tāḳhīr nazar kī

ye kuufe kī galiyāñ haiñ ki ye merī rageñ bhī

har samt se chubhtī hai anī mujh ko shimar kī

ab aankh bhi mashshaq hui zer-o-zabar ki

KHwahish to teri ghaT ki rah pai na ghar ki

rang apne jo the bhar bhi kahan pae kabhi hum

hum ne to sada radd-e-amal mein hi basar ki

jab sirf tere gul mein mera hissa nazar hai

phir soch hai kya dard ye taKHir nazar ki

ye kufe ki galiyan hain ki ye meri ragen bhi

har samt se chubhti hai ani mujh ko shimar ki