ab afsos karne se kya hoga hasil

ab afsos karne se kyā hogā hāsil

hamārī tabāhī meñ tum bhī the shāmil

qayāmat jo guzrī hai ham par jahāñ meñ

nahīñ is meñ apnī ḳhatā koī shāmil

bas āñkhoñ meñ aa.e hue ashk pī kar

dil-e-ġham-zadā par tū rakh sabr-e-kāmil

hai qabza sabhī sāhiloñ par adū kā

kahīñ bhī nahīñ merī kashtī kā sāhil

duā hī huī jab na puurī hamārī

dil apnā hai ab to gunāhoñ pe maa.il

duā māñgtā hai hamesha ye 'sahgal'

banānā mujhe apne hī dar kā saa.il

ab afsos karne se kya hoga hasil

hamari tabahi mein tum bhi the shamil

qayamat jo guzri hai hum par jahan mein

nahin is mein apni KHata koi shamil

bas aankhon mein aae hue ashk pi kar

dil-e-gham-zada par tu rakh sabr-e-kaamil

hai qabza sabhi sahilon par adu ka

kahin bhi nahin meri kashti ka sahil

dua hi hui jab na puri hamari

dil apna hai ab to gunahon pe mail

dua mangta hai hamesha ye 'sahgal'

banana mujhe apne hi dar ka sail