ab chalo dekh len yahi kar ke
ab chalo dekh leñ yahī kar ke
apne maazī pe shā.irī kar ke
le ga.ī rāteñ phir ujāloñ ko
phir se bāteñ baḌī baḌī kar ke
rāteñ mujh meñ sukūn kitnā hai
ham ne dekhā ye bandagī kar ke
zindagī ik kitāb thī phir bhī
log guzre ġhalat sahī kar ke
lauTnā hai mujhe vahīñ yāroñ
un ke hī naam zindagī kar ke
'faiz' saudā nahīñ kiyā ham ne
in añdheroñ se raushnī kar ke
ab chalo dekh len yahi kar ke
apne mazi pe shairi kar ke
le gai raaten phir ujalon ko
phir se baaten baDi baDi kar ke
raaten mujh mein sukun kitna hai
hum ne dekha ye bandagi kar ke
zindagi ek kitab thi phir bhi
log guzre ghalat sahi kar ke
lauTna hai mujhe wahin yaron
un ke hi nam zindagi kar ke
'faiz' sauda nahin kiya hum ne
in andheron se raushni kar ke
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
