ab chaman-zar hi apna hai na sahra apna

ab chaman-zār hī apnā hai na sahrā apnā

kal har ik shāḳh pe mumkin thā baserā apnā

bām-o-dar tak na rahe ghar ke to ghar kyā apnā

ab falak bhī na haTā le kahīñ saayā apnā

umr bhar jis ne zamāne kī masīhā.ī kī

ban sakā apne hī ġham maiñ na masīhā apnā

kis ke ghar jā.ūñ kise aaj maiñ apnā samjhūñ

apne ghar hī meñ nahīñ koī shanāsā apnā

phir kasī moḌ pe ik roz pukāroge mujhe

chāhe ab toḌ do dil se mire rishta apnā

tum hameñ harf-e-ġhalat kah ke miTā bhī na sake

ab bhī har lab pe sar-e-bazm hai charchā apnā

shaam ho jā.egī ik roz to chalte chalte

saath lete chaleñ ham aaj ujālā apnā

saath sab chhoḌ ga.e rāh-e-mohabbat meñ 'hayāt'

sarf ik saath rahā naqsh-e-kaf-e-pā apnā

ab chaman-zar hi apna hai na sahra apna

kal har ek shaKH pe mumkin tha basera apna

baam-o-dar tak na rahe ghar ke to ghar kya apna

ab falak bhi na haTa le kahin saya apna

umr bhar jis ne zamane ki masihai ki

ban saka apne hi gham main na masiha apna

kis ke ghar jaun kise aaj main apna samjhun

apne ghar hi mein nahin koi shanasa apna

phir kasi moD pe ek roz pukaroge mujhe

chahe ab toD do dil se mere rishta apna

tum hamein harf-e-ghalat kah ke miTa bhi na sake

ab bhi har lab pe sar-e-bazm hai charcha apna

sham ho jaegi ek roz to chalte chalte

sath lete chalen hum aaj ujala apna

sath sab chhoD gae rah-e-mohabbat mein 'hayat'

sarf ek sath raha naqsh-e-kaf-e-pa apna