ab dam-ba-KHud hain nabz ki raftar dekh kar

Bismil Azimabadi

ab dam-ba-KHud hain nabz ki raftar dekh kar

Bismil Azimabadi

MORE BY Bismil Azimabadi

    ab dam-ba-ḳhud haiñ nabz raftār dekh kar

    tum hañs rahe ho hālat-e-bīmār dekh kar

    saudā vo kyā karegā ḳharīdār dekh kar

    ghabrā gayā jo garmī-e-bāzār dekh kar

    allāh tere haath hai ab ābrū-e-shauq

    dam ghuT rahā hai vaqt raftār dekh kar

    detā kahāñ hai vaqt paḌe par koī bhī saath

    ham ko musībatoñ meñ giraftār dekh kar

    aate haiñ mai-kade taraf se janāb-e-shaiḳh

    sargoshiyāñ haiñ laġhzish-e-raftār dekh kar

    ġhairoñ ne ġhair jaan ke ham ko uThā diyā

    baiThe jahāñ bhī sāya-e-dīvār dekh kar

    aate haiñ bazm-e-yārāñ meñ pahchān gayā

    mai-ḳhvār nigāh ko mai-ḳhvār dekh kar

    is madh-bharī nigāh allāh-re kashish

    sau baar dekhnā paḌā ik baar dekh kar

    tum rahnumā-e-vaqt sahī phir bhī chand gaam

    chalnā paḌegā vaqt raftār dekh kar

    vaqt-e-sahar guzar ga.ī kyā kiyā na pūchhiye

    gardan meñ un sūkhe hue haar dekh kar

    talchhaT milā ke detā hai rindoñ ko sāqiyā

    sāġhar paTak na de koī hoshyār dekh kar

    'bismil' ko kyā hai chādar-e-rahmat rasūl

    saaye meñ le legī gunahgār dekh kar

    ab dam-ba-KHud hain nabz ki raftar dekh kar

    tum hans rahe ho haalat-e-bimar dekh kar

    sauda wo kya karega KHaridar dekh kar

    ghabra gaya jo garmi-e-bazar dekh kar

    allah tere hath hai ab aabru-e-shauq

    dam ghuT raha hai waqt ki raftar dekh kar

    deta kahan hai waqt paDe par koi bhi sath

    hum ko musibaton mein giraftar dekh kar

    aate hain mai-kade ki taraf se janab-e-shaiKH

    sargoshiyan hain laghzish-e-raftar dekh kar

    ghairon ne ghair jaan ke hum ko uTha diya

    baiThe jahan bhi saya-e-diwar dekh kar

    aate hain bazm-e-yaran mein pahchan hi gaya

    mai-KHwar ki nigah ko mai-KHwar dekh kar

    is madh-bhari nigah ki allah-re kashish

    sau bar dekhna paDa ek bar dekh kar

    tum rahnuma-e-waqt sahi phir bhi chand gam

    chalna paDega waqt ki raftar dekh kar

    waqt-e-sahar guzar gai kya kiya na puchhiye

    gardan mein un ki sukhe hue haar dekh kar

    talchhaT mila ke deta hai rindon ko saqiya

    saghar paTak na de koi hoshyar dekh kar

    'bismil' ko kya hai chadar-e-rahmat rasul ki

    saye mein le hi legi gunahgar dekh kar

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites