اب دلوں کے علاوہ پڑھنا کیا
اپنا کاغذ قلم سے رشتہ کیا
آنسوؤں سے مری ہتھیلی پر
کون پڑھتا کہ اس نے لکھا کیا
اک مہک جیسے رات کی رانی
کیا بتاؤں کہ میں نے سوچا کیا
جب بھی دیکھو اسی طرف نظریں
چاند بھی ہے کسی کا چہرہ کیا
پنکھڑی پنکھڑی سلام و پیام
پھول بھی ہے کوئی لفافہ کیا
جو نہ آداب دشمنی جانے
دوستی کا اسے سلیقہ کیا
تم مری زندگی ہو یہ سچ ہے
زندگی کا مگر بھروسہ کیا
مأخذ :
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
