اب گھٹائیں سیاہ ہلکی ہیں
اب گھٹائیں سیاہ ہلکی ہیں
رات شاید یہ کھل کے برسی ہیں
آپ سادہ لباس میں بھی مجھے
حد سے زیادہ حسین لگتی ہیں
دل مرا خانقاہ ہو گویا
دھڑکنیں تیرا نام جپتی ہیں
ایک مدت ہوئی نہیں رویا
میری پلکیں ہنوز بھیگی ہیں
بے وفائی کی یہ ادائیں سبھی
آپ ہی سے تو ہم نے سیکھی ہیں
اب یہ چھٹتے نظر نہیں آتے
ابر جو بستیوں پہ طاری ہیں
اب سنبھلتے خیالؔ صاحب آپ
بچپنے کی حدیں بھی ہوتی ہیں
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
