ab guzar jaega ye sal bhi lamhon ki tarah

ab guzar jā.egā ye saal bhī lamhoñ kī tarah

beTiyāñ aa.ī haiñ sasurāl se pariyoñ kī tarah

us se chāheñ bhī to dāman ko chhuḌā sakte nahīñ

zindagī ham pe musallat hai rivājoñ kī tarah

qahat-sālī kī kare kaun bayāñ shān-e-varūd

sab pareshān haiñ ujḌe hue khetoñ kī tarah

jo diyā ḳhūn-e-riyāzat to hue haiñ taḳhlīq

saare sheroñ se mujhe pyaar hai bachchoñ kī tarah

is ko tum apnī vafā kā na karishma samjho

yuuñ bhī mil jaate haiñ kuchh log faqīroñ kī tarah

mar ke bhī merā tashaḳhḳhus na koī chhīn sakā

ilm bāñTā na gayā mere asāsoñ kī tarah

'jān' phir kar ke kisī roz ye uḌ jā.eñgī

beTiyāñ baap ke āñgan meñ haiñ chiḌiyoñ kī tarah

ab guzar jaega ye sal bhi lamhon ki tarah

beTiyan aai hain sasural se pariyon ki tarah

us se chahen bhi to daman ko chhuDa sakte nahin

zindagi hum pe musallat hai riwajon ki tarah

qahat-sali ki kare kaun bayan shan-e-warud

sab pareshan hain ujDe hue kheton ki tarah

jo diya KHun-e-riyazat to hue hain taKHliq

sare sheron se mujhe pyar hai bachchon ki tarah

is ko tum apni wafa ka na karishma samjho

yun bhi mil jate hain kuchh log faqiron ki tarah

mar ke bhi mera tashaKHKHus na koi chhin saka

ilm banTa na gaya mere asason ki tarah

'jaan' phir kar ke kisi roz ye uD jaengi

beTiyan bap ke aangan mein hain chiDiyon ki tarah