ab is se pahle ki duniya se main guzar jaun
ab is se pahle ki duniyā se maiñ guzar jā.ūñ
maiñ chāhtā huuñ koī nek kaam kar jā.ūñ
ḳhudā kare mire kirdār ko nazar na lage
kisī sazā se nahīñ maiñ ḳhatā se Dar jā.ūñ
zarūrateñ merī ġhairat pe tanz kartī haiñ
mire zamīr tujhe maar duuñ ki mar jā.ūñ
bahut ġhurūr hai bachchoñ ko merī himmat par
maiñ sar jhukā.e hue kaise aaj ghar jā.ūñ
mire aziiz jahāñ mujh se mil na sakte hoñ
to kyuuñ na aisī bulandī se ḳhud utar jā.ūñ
ab is se pahle ki duniya se main guzar jaun
main chahta hun koi nek kaam kar jaun
KHuda kare mere kirdar ko nazar na lage
kisi saza se nahin main KHata se Dar jaun
zaruraten meri ghairat pe tanz karti hain
mere zamir tujhe mar dun ki mar jaun
bahut ghurur hai bachchon ko meri himmat par
main sar jhukae hue kaise aaj ghar jaun
mere aziz jahan mujh se mil na sakte hon
to kyun na aisi bulandi se KHud utar jaun
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
