ab jo lauTe ho itne sāloñ meñ
dhuup utrī huī hai bāloñ meñ
tum mirī aañkh ke samundar meñ
tum mirī ruuh ke ujāloñ meñ
phuul hī phuul khil uThe mujh meñ
kaun aayā mire ḳhayāloñ meñ
maiñ ne jī-bhar ke tujh ko dekh liyā
tujh ko uljhā ke kuchh savāloñ meñ
merī ḳhushiyoñ kī kā.enāt bhī tū
tū hī dukh-dard ke havāloñ meñ
jab tirā dostoñ meñ zikr aa.e
Tiis uThtī hai dil ke chhāloñ meñ
tum se ābād hai ye tanhā.ī
tum hī raushan ho ghar ke jāloñ meñ
sāñvlī shaam kī tarah hai vo
vo na goroñ meñ hai na kāloñ meñ
kyā use yaad aa rahā huuñ 'vasī'
rañg ubhre haiñ us ke gāloñ meñ
ab jo lauTe ho itne salon mein
dhup utri hui hai baalon mein
tum meri aankh ke samundar mein
tum meri ruh ke ujalon mein
phul hi phul khil uThe mujh mein
kaun aaya mere KHayalon mein
main ne ji-bhar ke tujh ko dekh liya
tujh ko uljha ke kuchh sawalon mein
meri KHushiyon ki kaenat bhi tu
tu hi dukh-dard ke hawalon mein
jab tera doston mein zikr aae
Tis uThti hai dil ke chhaalon mein
tum se aabaad hai ye tanhai
tum hi raushan ho ghar ke jalon mein
sanwli sham ki tarah hai wo
wo na goron mein hai na kalon mein
kya use yaad aa raha hun 'wasi'
rang ubhre hain us ke galon mein
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
