ab kahin aur chal ai naqa-sawar-e-duniya

ab kahīñ aur chal ai nāqa-savār-e-duniyā

bhar gayā hai mirī āñkhoñ meñ ġhubār-e-duniyā

mujh ko mil jaa.e agar saltanat-e-takiya-e-dil

maiñ to pal bhar na rahūñ bāj-guzār-e-duniyā

be-dilī phir havas-e-tāza meñ Dhal jaatī hai

ḳhatm hone hī meñ aatā nahīñ kār-e-duniyā

aksar aksar nazar aa jaatā hai mahtāb kā khel

chhup gayā hai mirī miTTī meñ sharār-e-duniyā

aisā lagtā hai ki siine meñ uThī hai koī

aaj isī lahr meñ pheñk aatā huuñ bār-e-duniyā

'ādat-e-sair-o-tamāshā nahīñ jaane vaalī

duur se dekhtā rahtā huuñ bahār-e-duniyā

ab kahin aur chal ai naqa-sawar-e-duniya

bhar gaya hai meri aankhon mein ghubar-e-duniya

mujh ko mil jae agar saltanat-e-takiya-e-dil

main to pal bhar na rahun baj-guzar-e-duniya

be-dili phir hawas-e-taza mein Dhal jati hai

KHatm hone hi mein aata nahin kar-e-duniya

aksar aksar nazar aa jata hai mahtab ka khel

chhup gaya hai meri miTTi mein sharar-e-duniya

aisa lagta hai ki sine mein uThi hai koi

aaj isi lahr mein phenk aata hun bar-e-duniya

'adat-e-sair-o-tamasha nahin jaane wali

dur se dekhta rahta hun bahaar-e-duniya