اب کہیں سایۂ گیسو بھی نہیں
اب کہیں سایۂ گیسو بھی نہیں
چین دل کو کسی پہلو بھی نہیں
جانے کیا سوچ کے خوش بیٹھا ہوں
موسم گل بھی نہیں تو بھی نہیں
اب تری نذر کروں کیا اے دوست
اب مری آنکھوں میں آنسو بھی نہیں
کس کو سینے سے لگا کر روئیں
دشت میں اب کوئی آہو بھی نہیں
مسکرا اٹھتی تھی وہ آنکھ کبھی
اور اب جنبش ابرو بھی نہیں
دل کو حسرت ہے ترے ملنے کی
اور حالات پہ قابو بھی نہیں
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
