ab ke mile to hum donon hi

ab ke mile to ham donoñ hī

ḳhud kī tujh se baat kareñge

ḳhud kī ḳhud se bāteñ kar ke

ham donoñ uktā bhī chuke haiñ

tere ḳhayāloñ meñ Duube to

duniyā saarī ghuum lī ham ne

dar pe ik dastak jo huī to

ham ko ye ma.alūm huā ke

kab se ham ghar aa bhī chuke hai

rātoñ ko jagte rahnā bhī

ḳhvāboñ se bachte rahnā bhī

āñkhoñ kī majbūrī hogī

āñkhoñ ke qisse se ham to

apnī aañkh bachā bhī chuke haiñ

is mausam kā kyā hai parsoñ

narsoñ ye bhī chal hī degā

ek gila bas tum se hai ki

us mausam meñ aa.e ho jab

ḳhud ko ham bahlā bhī chuke haiñ

ghar ke har kone se ab bhī

mahak hamārī chunte hoge

yādoñ ke pashmīna se tum

kal ko pal-pal bunte hoge

lekin sach to ye hai sāthī

ham to kab ke jā bhī chuke haiñ

ab ke mile to hum donon hi

KHud ki tujh se baat karenge

KHud ki KHud se baaten kar ke

hum donon ukta bhi chuke hain

tere KHayalon mein Dube to

duniya sari ghum li hum ne

dar pe ek dastak jo hui to

hum ko ye malum hua ke

kab se hum ghar aa bhi chuke hai

raaton ko jagte rahna bhi

KHwabon se bachte rahna bhi

aankhon ki majburi hogi

aankhon ke qisse se hum to

apni aankh bacha bhi chuke hain

is mausam ka kya hai parson

narson ye bhi chal hi dega

ek gila bas tum se hai ki

us mausam mein aae ho jab

KHud ko hum bahla bhi chuke hain

ghar ke har kone se ab bhi

mahak hamari chunte hoge

yaadon ke pashmina se tum

kal ko pal-pal bunte hoge

lekin sach to ye hai sathi

hum to kab ke ja bhi chuke hain