ab kisi andhe safar ke liye tayyar hua chahta hai

ab kisī andhe safar ke liye tayyār huā chāhtā hai

ik zarā der meñ ruḳhsat tirā bīmār huā chāhtā hai

āḳhirī qist bhī sāñsoñ kī chukā degā chukāne vaalā

zindagī qarz se tere vo subuk-bār huā chāhtā hai

rāz-e-sar-basta samajhte rahe ab tak jise ahl-e-dānish

munkashif aaj vahī raaz sar-e-dār huā chāhtā hai

dil-e-vahshī ke bahalne kā nahīñ ek bhī sāmān yahāñ

mahfil-e-zohd-e-mizājāñ se ye bezār huā chāhtā hai

dekh lenī thī tujhe sīna-e-āfat-zadagāñ kī saḳhtī

terā har tīr-e-hadaf-kār hī bekār huā chāhtā hai

phailte shahroñ ke jañgal meñ ye ġhāroñ kī tarah tañg makāñ

ḳhuun meñ vahshi-e-ḳhvābīda bhī bedār huā chāhtā hai

dard-e-dil bāñTtā aayā hai zamāne ko jo ab tak 'anjum'

kuchh huā yuuñ ki vahī dard se do-chār huā chāhtā hai

ab kisi andhe safar ke liye tayyar hua chahta hai

ek zara der mein ruKHsat tera bimar hua chahta hai

aaKHiri qist bhi sanson ki chuka dega chukane wala

zindagi qarz se tere wo subuk-bar hua chahta hai

raaz-e-sar-basta samajhte rahe ab tak jise ahl-e-danish

munkashif aaj wahi raaz sar-e-dar hua chahta hai

dil-e-wahshi ke bahalne ka nahin ek bhi saman yahan

mahfil-e-zohd-e-mizajaan se ye bezar hua chahta hai

dekh leni thi tujhe sina-e-afat-zadagan ki saKHti

tera har tir-e-hadaf-kar hi bekar hua chahta hai

phailte shahron ke jangal mein ye ghaaron ki tarah tang makan

KHun mein wahshi-e-KHwabida bhi bedar hua chahta hai

dard-e-dil banTta aaya hai zamane ko jo ab tak 'anjum'

kuchh hua yun ki wahi dard se do-chaar hua chahta hai