ab kisi KHwab ki tabir nahin chahta main

ab kisī ḳhvāb kī ta.abīr nahīñ chāhtā maiñ

koī sūrat pas-e-tasvīr nahīñ chāhtā maiñ

chāhtā huuñ ki rifāqat kā bharam rah jaa.e

ahd-o-paimān kī tafsīr nahīñ chāhtā meñ

hukm sādir hai to nāfiz bhī karo mere huzūr

faisle meñ koī tāḳhīr nahīñ chāhtā maiñ

chāhtā huuñ tujhe guftār se qaa.il kar luuñ

baat meñ lahja-e-shamshīr nahīñ chāhtā maiñ

mudda.ā hai ki mirā haq mujhe vāpas mil jaa.e

tere ajdād kī jāgīr nahīñ chāhtā maiñ

ab kisi KHwab ki tabir nahin chahta main

koi surat pas-e-taswir nahin chahta main

chahta hun ki rifaqat ka bharam rah jae

ahd-o-paiman ki tafsir nahin chahta mein

hukm sadir hai to nafiz bhi karo mere huzur

faisle mein koi taKHir nahin chahta main

chahta hun tujhe guftar se qail kar lun

baat mein lahja-e-shamshir nahin chahta main

muddaa hai ki mera haq mujhe wapas mil jae

tere ajdad ki jagir nahin chahta main