ab kisi se mera hisab nahin
ab kisī se mirā hisāb nahīñ
merī āñkhoñ meñ koī ḳhvāb nahīñ
ḳhuun ke ghūñT pī rahā huuñ maiñ
ye mirā ḳhuun hai sharāb nahīñ
maiñ sharābī huuñ merī aas na chhīn
tū mirī aas hai sarāb nahīñ
noch pheñke laboñ se maiñ ne savāl
tāqat-e-shoḳhī-e-javāb nahīñ
ab to panjāb bhī nahīñ panjāb
aur ḳhud jaisā ab do-āb nahīñ
ġham abad kā nahīñ hai aan kā hai
aur is kā koī hisāb nahīñ
būdash ik rū hai ek rū ya.anī
is kī fitrat meñ inqalāb nahīñ
ab kisi se mera hisab nahin
meri aankhon mein koi KHwab nahin
KHun ke ghunT pi raha hun main
ye mera KHun hai sharab nahin
main sharabi hun meri aas na chhin
tu meri aas hai sarab nahin
noch phenke labon se main ne sawal
taqat-e-shoKHi-e-jawab nahin
ab to panjab bhi nahin panjab
aur KHud jaisa ab do-ab nahin
gham abad ka nahin hai aan ka hai
aur is ka koi hisab nahin
budash ek ru hai ek ru yani
is ki fitrat mein inqalab nahin
- Book : Gumaan (Poetry) (Pg. 73)
- Author : Jaun Elia
- Publication : Takhleeqar Publishers (2012)
- Edition : 2012
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
