ab na wo shor na wo shor machane wale

ab na vo shor na vo shor machāne vaale

ḳhaak se baiTh ga.e ḳhaak uḌāne vaale

ye alag baat mayassar lab-e-goyā na huā

dil meñ vo dhuum ki sunte haiñ zamāne vaale

kisī manzil kī taraf koī qadam uTh na sakā

apne hī paañv kī zanjīr the jaane vaale

dil sā vahshī kabhī qaabū meñ na aayā yaaro

haar kar baiTh ga.e jaal bichhāne vaale

din kī kajlā.ī huī dhuup meñ kyā dekhte haiñ

shaam hote hī pareshāñ nazar aane vaale

jalva-e-husn sazā-vār-e-nazar ho na sakā

kuchh nahīñ dekh sake aañkh uThāne vaale

yād-e-ayyām ke darvāze se mat jhāñk mujhe

aañkh se duur na ho dil meñ samāne vaale

terī qurbat meñ guzāre hue kuchh lamhe haiñ

dil ko tanhā.ī kā ehsās dilāne vaale

inhī jhoñkoñ se hai 'shahzād' chamak āñkhoñ meñ

yahī jhoñke haiñ charāġhoñ ko bujhāne vaale

ab na wo shor na wo shor machane wale

KHak se baiTh gae KHak uDane wale

ye alag baat mayassar lab-e-goya na hua

dil mein wo dhum ki sunte hain zamane wale

kisi manzil ki taraf koi qadam uTh na saka

apne hi panw ki zanjir the jaane wale

dil sa wahshi kabhi qabu mein na aaya yaro

haar kar baiTh gae jal bichhane wale

din ki kajlai hui dhup mein kya dekhte hain

sham hote hi pareshan nazar aane wale

jalwa-e-husn saza-war-e-nazar ho na saka

kuchh nahin dekh sake aankh uThane wale

yaad-e-ayyam ke darwaze se mat jhank mujhe

aankh se dur na ho dil mein samane wale

teri qurbat mein guzare hue kuchh lamhe hain

dil ko tanhai ka ehsas dilane wale

inhi jhonkon se hai 'shahzad' chamak aankhon mein

yahi jhonke hain charaghon ko bujhane wale