ab pasar aae hain rishton pe kuhase kitne

ab pasar aa.e haiñ rishtoñ pe kuhāse kitne

ab jo ġhurbat meñ hai naanī to navāse kitne

choT khaa.e hue lamhoñ kā sitam hai ki use

ruuh ke chehre pe dikhte haiñ muhāñse kitne

sach ke qasbe pe miyāñ jhuuT kī sardārī hai

ab aTakte haiñ laboñ par hī ḳhulāse kitne

the bahut ḳhaas jo sar taan ke chalte the yahāñ

ab isī shahr meñ vāqif haiñ anā se kitne

ab bhī andar mire dil hai jo dhaḌaktā hai miyāñ

varna bāzār meñ bikte haiñ dilāse kitne

mūslā-dhār barastī mirī āñkheñ sab chup

us kī āñkhoñ meñ namī hai to haiñ pyāse kitne

ab pasar aae hain rishton pe kuhase kitne

ab jo ghurbat mein hai nani to nawase kitne

choT khae hue lamhon ka sitam hai ki use

ruh ke chehre pe dikhte hain muhanse kitne

sach ke qasbe pe miyan jhuT ki sardari hai

ab aTakte hain labon par hi KHulase kitne

the bahut KHas jo sar tan ke chalte the yahan

ab isi shahr mein waqif hain ana se kitne

ab bhi andar mere dil hai jo dhaDakta hai miyan

warna bazar mein bikte hain dilase kitne

musla-dhaar barasti meri aankhen sab chup

us ki aankhon mein nami hai to hain pyase kitne