ab teri zarurat bhi bahut kam hai meri jaan

ab terī zarūrat bhī bahut kam hai mirī jaañ

ab shauq kā kuchh aur hī aalam hai mirī jaañ

ab tazkira-e-ḳhanda-e-gul baar hai jī par

jaañ vaqf-e-ġham-e-giriya-e-shabnam hai mirī jaañ

ruḳh par tire bikhrī huī ye zulf-e-siyah-tāb

tasvīr-e-pareshāni-e-ālam hai mirī jaañ

ye kyā ki tujhe bhī hai zamāne se shikāyat

ye kyā ki tirī aañkh bhī pur-nam hai mirī jaañ

ham sāda-diloñ par ye shab-e-ġham kā tasallut

māyūs na ho aur koī dam hai mirī jaañ

ye terī tavajjoh kā hai ejaaz ki mujh se

har shaḳhs tire shahr kā barham hai mirī jaañ

ai nuz.hat-e-mahtāb tirā ġham hai mirī ziist

ai nāzish-e-ḳhurshīd tirā ġham hai mirī jaañ

ab teri zarurat bhi bahut kam hai meri jaan

ab shauq ka kuchh aur hi aalam hai meri jaan

ab tazkira-e-KHanda-e-gul bar hai ji par

jaan waqf-e-gham-e-giriya-e-shabnam hai meri jaan

ruKH par tere bikhri hui ye zulf-e-siyah-tab

taswir-e-pareshani-e-alam hai meri jaan

ye kya ki tujhe bhi hai zamane se shikayat

ye kya ki teri aankh bhi pur-nam hai meri jaan

hum sada-dilon par ye shab-e-gham ka tasallut

mayus na ho aur koi dam hai meri jaan

ye teri tawajjoh ka hai ejaz ki mujh se

har shaKHs tere shahr ka barham hai meri jaan

ai nuzhat-e-mahtab tera gham hai meri zist

ai nazish-e-KHurshid tera gham hai meri jaan